لو جيت فركشت أو طلقت صاحبتك أو مراتك حتى لو عن اقتناع ... وبالرغم إن إنت مقتنع مليون في المية برأيك ... برده العشرة بتخليها تيجي في بالك بالرغم إنها آخر حاجة عايز تفكر فيها ....
بتبقى عاملة زي الدمل اللي على لسانك كده ...
وتكلم أي حد يقولك "لازم تطنش" وتكبر مخك من الموضوع! وهي تفضل تطلعلك زي الفرقعلوز في كل حتة ... وفي كل حوار مع أي حد ... وفي كل صدفة زي العمل الردي ...
وبالرغم من كده بسبب شيء ما غريب أمره عند ربي ... بتنسى والحياة بتستمر وإنت بعيد عنها ... بس لازم تقابلها تاني في بعض المواقف لوجود أصحاب تجمعكم وحياة لازم تتلاقى فيها الطرق لا محالة...
تخيل لو كمان بينكم عيال ... أو في الحالة دي بينكم باسبور؟
No comments:
Post a Comment